|
प्रेस विज्ञप्ति
मिति: २१ माघ २०६७
चर्चित गायक दिपक बज्राचार्य आफ्नो नया एलबम अन्रश्का साथ फेरि श्रेतामाझ आएका
छन् । उनको दुई दशकको सांगीतिक यात्रामा यो आठौं एल्बम हो । फास्ट र लोकप्रिय
विटमा चर्चित र लोकप्रिय मानिएका दिपकले आफ्नो नया एलबममा पुरानो पनलाई पनि
निरन्तरता दिएका छन् । ६ वर्षसम्म उनको नया सिर्जना सुन्न नपाएर न्यास्रिएका
स्रोताका लागि विश्वभर मनाइने प्रेम दिवस भ्यालेन टाइनको पूर्वसन्ध्यामा उनको
यो एलबम ठूलो उपहार हुनेछ । चल्ती र नया विकास भएका सांगीतिक प्रयोग गरेर उनले
एलबमलाई थप नया पन दिएका छन् ।
एलबममा विभिन्न समय सन्दर्भमा लेखिएका तिमीलाई भुलेको छैन, हावाको सिरसिरे,
आँखामामात्र, जानीजानी, अंगालोको न्यानो पन, तिमी सामु, हरपल सम्झन्छु तिमीलाई,
प्रेम प्रस्ताव र भावीको लेखा गरी १० वटा गीत समावेश छन् । तिमीलाई भुलेको छैन
बोलको गीतलाई अनप्लग भर्सनमा पनि तयार गरिएको छ । एलबममा जेम्स प्रधानले ३ वटा,
दीपक बज्राचार्य स्वयंले ४ वटा, भूपेन्द्र बज्राचार्य र अनिल सिंह १/१ वटा गीतमा
संगीत भरेका छन् । गीतहरु जेम्स, दीपक, मीरा शाह, कुसुम खड्का र अनिल सिंहले
लेखेका हुन् । सबै गीत प्रेमभावका छन् ।
कालीकाली हिस्सी परेकी, ओ अमिरा, अध्यारोमा, झुमीझुमी, कति बस्छ्यौ माइती घरमा,
बितिसकेपछि फर्केर आउदैनजस्ता कालजयी र चर्चित गीतका गायकको यो एलबम वर्षौंको
मेहनत र त्यागले तयार भएको हो । व्यवस्थापनमा स्नातक ओजिलो स्वरका धनी दिपकले
प्रेम र जीवन दर्शनका गीतमा आफूलाई अब्बल ठहर्याएका छन् । जसलाई आज सार्वजानिक
गर्न पाउनु हाम्रा लागि गौरवको कुरा हो । नेपाली पप संगीतका लागि यो ठूलो
उपलब्धि पनि हो । किनभने विशेष गरी पप संगीतमा ब्यान्ड भन्ने वित्तिकै धेरैले
विद्युतीय ध्वनिको प्रयोगमात्रै हो भन्ने ठान्छन् । दिपक र उनको ब्यान्डले विगत
८ वर्षदेखि आफुलाई एकोस्टिक ब्यान्डका रुपमा प्रयोग गर्दै आएको छ । एलबममा पनि
त्यसको प्रयोग भएको छ । उनी सहित ५ जनाको उनको ब्यान्डमा रोजन कायस्थ, रिकी
शाक्य, फिरोज बज्राचार्य र बिकी शाक्य छन् ।
संगीत गुन्गुनाउन चाहने, संगीतमा झुम्न चाहने र नाच्न चाहने सबैका लागि यस
एलबमका गीत सुहाउदा छन् । विश्वका धेरै देशमा आफ्नो प्रस्तुती दिइसकेका, २ सय
७५ गीतमा स्वर दिएर पप संगीतमा आफ्नै इतिहास र उचाइ बनाएका गायक दिपक
बज्राचार्यलाई यो एलबमले नेपालको पप संगीतमा सफलताको अर्को मोडमा उभ्याउनेमा
हामी विश्वस्त छौं । उनको गायनप्रतिको श्रद्धा स्रोताबाट विगतमाजस्तै यसमा पनि
प्राप्त हुनेछ भन्ने हामीलाई पूर्ण विश्वास छ ।
एलबमका दुई गीत अंगालोमा र तिमीलाई भुलेको छैनको म्युजिक भिडियो तयार गरिएको छ
। प्रताप सिंह र संजीव राईले त्यसको निर्देशन गरेका छन् । यसअघि हिट्स एफएम,
मिलेनियम, आहा पप म्युजिक लगायत अवार्ड जितिसकेका गायक दिपकको एलबम अन्रश्को
प्रमोशन र संगीतको पाइरेसी विरुद्ध सचेतनाका लागि हामी देशभर र विदेशमा पनि
सांगीतिक यात्रामा निस्कने छौं ।
यो एलबम एकजनाको मेहनतलेमात्रै सम्भव भएको होइन । यसको उत्पादनमा लेखक,
संगीतकार, वाध्यवाधक, संगीत संयोजक, रेकर्डिंग स्टुडियो र रेकर्डिस्ट,
कार्यक्रम प्रायोजक तथा प्रत्यक्ष अप्रत्यक्ष सघाउने सबैलाई धन्यवाद दिन चाहन्छौं
। यस अन्रश् एलबम सार्वजानिक कार्यक्रममा उपस्थित भइ सहयोग गरिदिने सबै
सञ्चारकर्मी मित्रहरुप्रति हार्दिक आभार प्रकट गर्दछौं ।
आयोजक
विज इन्टरनेशनल
र
राइज म्युजिक |
