क्रिष्टोफरको शारीरिक सुगठन, दृढ ईच्छा शक्ति, दरो अठोट देखेर पंक्तिकारलाई गर्व लाग्यो । ब्रिटिस आर्मीमा ३० वर्ष सेवा गरेका उनी पनि स्पेशल फोर्सका भूतपूर्वक सैनिक रहेछन् । जम्प मास्टर हुने नै भए । दुईवटा हिमालको सफल आरोहण गरे पछि क्रिष्टोफर र उनको टीमको खुशी, उत्साह र गर्व देखेर आफू सिपाहीलाई गौरव बोध भयो । हामी दुई सिपाही कफिका साथ केहीबेर गफियौं ।

Bahrain Everest Team, Mt. Lobuche and Mt. Manaslu expedition. Photo: Seven Summit Treks.

“तपाई कस्तो बलियो र युवा देखिनुहुन्छ ? मान्नुपर्छ ।” मैले उनको प्रशंसा गरें ।

“होइन नि बाहिर त्यस्तो देखिए पनि भित्र बुढो भइसकें ।” सेवा निवृत्त भएपछि बहराइन रोयाल डिउटीमा सेवारत क्रिष्टोफरको जवाफ थियो ।

क्रिष्टोफरले बहराईनको राजकुमारलाई २ वटा हिमालको सानदार र सफल आरोहण गराए । आफूले पनि हिमालका चुचुरो चुमे ।

खुशी र गर्वको सीमा थिएन । ६११९ मिटर अग्लो लोबुचे सजिलै र छिटो आरोहण गरेको कथा सुनेर आफूलाई पनि हिमाल चढ्ने प्रवल ईच्छा जागेर आयो ।

कस्ता मेहनती र महत्वकांक्षी राजकुमार ? लोबुचे हाई क्याम्पबाट अक्टोबर ३ मा रातको १ बजे उठेर ९ बजे लोबुचे हिमाल चढ्न भ्याइसकेका रहेछन् । लुक्ला–नाम्चे पैदल ट्रेकिंग पनि ज्यादै रमाईलो भएको रहेछ । आफूले आफ्नो रमाईलो पुरानो ट्रेकिंगको स्मरण गर्दै टीमलाई त्यो विश्व सम्पदामा सूचिकृत सगरमाथा राष्ट्रिय निकुञ्ज हो भनेर सगर्व जानकारी गराएँ । सगरमाथा राष्ट्रिय निकुञ्जको अहोभाग्य भनेर पुन: स्वागतको लागि आत्तुर रहेको कुरा पनि दर्शाएँ । क्रिस्टोफर र ईब्राहिमले उत्साहित हुँदै ६ महिनापछि विश्वको अग्लो शिखर सगरमाथा आरोहण गर्ने दृढ अठोट व्यक्त गरे । मैले आभार प्रकट गरें ।

Photo by Seven Summit Treks.

सफाई अभियान

राजकुमारको टोलीले अक्टोबर १५ मा विश्वको आठौं अग्लो शिखर मनास्लु हिमालको ८ दिन लगाएर उस्तै सानदार र सफल आरोहण गर्‍यो । कति सुन्दर मनास्लु हिमाल ? जताबाट जति हेरेपनि हेरिराखौं लाग्ने । यो वर्षको आरोहणको पहिलो खाता राजकुमारले खोलिदिए । मैले मनास्लु संरक्षण क्षेत्र बारपाकको भूकम्पको सँक्षिप्त कथा सुनाएँ । हिमालको पत्र पत्रबाट ट्रयापमा परेका पर्वतारोहीहरुको सफल उद्धार गर्ने अपूर्व अवसर पाएको कथा पनि हालें।

राजकुमारको टीमले मनास्लुबाट १९०० के.जी. फोहोर बटुलेको कुराले मलाई ज्यादै सम्वेदन र भावुक बनायो । मैले उक्त पवित्र कामको खुलेर मुक्त कण्ठले प्रशंसा गरें । साथै, नेपाली सेनाले गत वर्ष सगरमाथाबाट निकालेको फोहोरको कथा सुनाउदै उक्त अभियान आगामी धेरै वर्ष जारी रहने जानकारी गराएँ ।

Photo by Seven Summit Treks.

फोहोर सफाईको काम गरेर राजकुमारले आफ्नो सरलता र महानता देखाए । कति सुन्दर काम ! प्रकृतिको सर्वोच्चता र वातावरण रक्षा प्रति सचेत र प्रतिबद्ध प्रकृतिप्रेमी राजकुमार ।

राष्ट्रिय कानूनले निर्देशित गर्ने र फिल्डको अनुगमन संयन्त्र चुस्त दुरुस्त हुने हो भने पर्वतारोहीहरुले आफ्नो फोहोर आफैले फिर्ता ल्याउनुपर्ने नियम उपयुक्त हुने रहेछ भन्ने पाठ सिकाए राजकुमारले ।

राजकुमारको वातावरण संरक्षण सचेतना, प्रतिबद्धता र महानताको मैले धेरै प्रशंसा गरें ।

Author Babukrishna Karki with Christopher, and Ebhrahim, (relative of Nasser bin Hamad Al Khalifa of Baharain) who were part of the expedition.
भावी योजना
एकैपटक २/२ वटा हिमालको सफल आरोहण गर्ने टीमको अर्को गन्तव्य सगरमाथा हुने छ । यो टीम विशेष तामझामका साथ सन् २०२१ को अप्रिल ९ तारिखमा काठमाण्डौं आईपुग्ने छ ।
बहराईनका राजकुमारले आफ्नो सफल पर्वतारोहणको अनुभव धेरै ईष्ट मित्रलाई अवश्य शेयर गर्ने छन् । दुबई र कतारका राजकुमारहरु अर्को कार्यक्रममा सरिक हुन सक्ने सम्भावनाले मलाई ज्यादै उत्सुक र खुशी बनायो ।
Photo by Seven Summit Treks.
हाम्रो हिराजस्तो पवित्र हिमाल खाडी मुलुक र मध्य पूर्वका धनी राज्यहरुको स्वास्थ्य परीक्षण र सुस्वास्थ्य दीर्घजीवि बनाउने प्राकृतिक टावरहरु हुन् । हिमालको काखमा अवस्थित खप्तड, रारा, से–फोक्सुण्डो, धौलागिरी, अन्नपूर्ण, मनास्लु, लाङ्गटाङ्ग, गौरीशंकर, सगरमाथा, मकालुबरुण, कञ्चनजंघा लगायत निकुञ्ज र संरक्षण क्षेत्र शान्ति र सु–स्वास्थ्य प्राप्त गर्ने ध्यानकेन्द्र अथवा प्राकृतिक चिकित्सालय हुन् । पवित्र हिमालबाट निस्केको स्वच्छ सफा र शक्तिबर्धक जल ती राजकुमारहरुका जन जनले पिउने व्यवस्था हुन सके हाम्रा हिमाल कति गौरवशाली हुने थिए होलान् । जुन असम्भव छैन । भविष्यमा हिमाल चढ्ने बहादुर राजकुमारहरुका राजकुमारी र सन्तानहरु साथमा आउन् र नेपालका अन्य साहसिक खेलमा ईङ्गेज् हुन् ताकि नेपालको अपूर्व अनुभव लिएर जाउन् । यसरी हाम्रो जल जङ्गल हिमालसंग खाडी मुलुकहरुको साईनो जोडियोस् । हामी सबैलाई हर्षोल्लासमय विन विनको स्थिति होस् ।
मैले सम्भाव्यता र अवसर सबिस्तार वर्णन गर्न पाएं ।
क्रिस्टोफरले अर्को भ्रमणमा पाटेबाघ र गैंडा हेर्न जाने वचन दिए । पोखरा लुम्बिनीको भ्रमण जोड्ने आश्वासन पनि दिए । म खुशीले गद्गद् भए ।
कदरयोग्य मिशन
पूर्ण र आंशिक लकडाउनको समयमा यो र त्यो जोखिम मोलेर नेपाल भ्रमण र अग्ला हिमालको सफल आरोहण गर्ने राजकुमारलाई स–सम्मान सलाम ।
काम फच्चे गर्ने बहादुरलाई कोभिड–१९ होस वा अरु कुनै बहाना त्यसले छेकबार गर्दैन भन्ने असल र सकरात्मक पाठ सिकाएका छन् राजकुमारले ।
संसारमा अनगिन्ती साहसिक खेलका अवसर हुदाहुदै उनले धेरै साहसिक र जोखिमपूर्ण गन्तव्यको यात्रा तय गरे र सरासर नेपालका २ हिमालको सानदार आरोहण गरेर देखाए ।
वास्तवमा उनी पंक्तिकारको सलाम र प्रशंसाको मात्र होइन नेपालको राष्ट्रिय सम्मानका दुर्लभ पात्र हुन् । नेपाल सरकारको आखा खुलोस र समयमै आवश्यक सम्पर्क सम्बन्ध समन्वय राखेर सगरमाथा आरोहण पछि एउटा भव्य समारोहका बीच राष्ट्रिय सम्मानको कार्यक्रम राखियोस् । यसले विश्वका अरु भि.भि.आई.पि.हरुलाई नेपाल भ्रमण र हिमाल आरोहणको लागि प्रेरणा दिने छ ।
मोहम्मद ईसा अब्दुल्ला, खालिद अली हसन,  खालिद सुल्तान, अब्दुल्लाजिज्, मोहम्मद अब्दुल रहमान्, मुरद् मोहम्मद योसुफ, ईब्राहिम, साउद् हमाद् मुबारक, फिलिप वारेन र क्रिस्टोफरको साहसिक सक्रिय सहभागिताले आरोहणलाई रोचक आकर्षक र सफल बनाउन योगदान गरेकोले राजकुमारको टीम र नमूना टीमवर्कलाई पनि सलाम ।
Prince Nasser bin Hamad Al Khalifa of Baharain and The Leader from Seven Summit Treks .
टायम एण्ड स्पेसको योजना गर्ने, सही बाटो र तरिका छनौट गर्ने, टीमको अगुवाई गर्ने र बाटो देखाउने, डोरी टाागिदिने, सत्प्रतिशत् सेफ्टी एण्ड सेक्युरिटीको सुनिश्चित गराई टीमलाई सकुशल हिमालको चुचुरोमा पुर्‍याउने र सुरक्षितसाथ बेसक्याम्प झार्ने रेकर्ड होल्डर अनुभवी नेपाली शेर्पा प्रशिक्षक, गाईड्, पाथफाईण्डर पर्वतारोहीहरुको साहसिक योगदान प्रशंसनीय मात्र होइन कदरयोग्य छ । आरोहण सफल बनाउन चुचुरोमा पुग्ने बहादुर दाजुभाइ मिङ्मा, दावा र तासीलाक्पा शेर्पाको साहस, आत्मविश्वास र गौरव देखेर धर्ती माताको अद्भूत कोख र दुध प्रति गर्व महशुस गरें । चुचुरो आरोहणको दर्जनौं रेकर्ड बनाइसकेका र बिना अक्सिजन शिखरमा पुगेर रमाउने ती बहादुर धर्ती पुत्रलाई सम्मान र कदर गर्न राज्यले कञ्जुस्याई नगरोस् भनेर प्रार्थना गरें ।
सिक्नुपर्ने पाठ
धेरै देशी विदेशी राजकुमारहरुको छिट्पुट् टुक्रे सुरक्षा डिउटी गर्ने मौका पाए । मनमनै गमें– “किन ती राजा र राजकुमारहरु यसरी साहसिक र सकरात्मक प्रतिभा प्रति आकर्षक भएनन् ? भएको भए मतिभ्रष्ट र गतिभ्रष्ट हुने थिएनन् ।” आजपनि धेरै राजकुमारहरुको सकरात्मक भन्दा नकरात्मक सोच र गतिमतिको कथा कानमा ठोक्किरहेकै छ । आफ्नै मुलुकमा पूर्व राजकुमार होस् अथवा गणतन्त्रले सिंहासन गराएका हजारौं नवराजाहरुका राजकुमारहरुको कथा व्यथा अवस्था सुनिनसक्नुको छ । गाजा, भाङ्ग, सुरा–सुन्दरीका लतमा परेर ती राजकुमारहरु डन्, बिचौलिया, दलाल र अपराधी क्रियाकलापमा रुमल्लिएर राष्ट्रिय बेइज्जति गरिरहेका छन् ।
आशा गरौं विश्वभरिका राजकुमारहरु हुन् वा शासक र धनाढ्यहरुका छोरोछोरी तिनले नेपालका साहसिक खेलबाट मनोरञ्जन र आमोदप्रमोद लिउन्। नेपालमा क्वालिटी समय बिताउन् । खराब लत् भन्दा श्रृजना र प्रतिभाको ढोका खोलून्।
आफ्नै देशका नव धनाढ्यहरुका छोराछोरीले सुन्दर मुलुकका निकुञ्ज, आरक्ष, संरक्षण क्षेत्र, ऐतिहासिक र धार्मिक सम्पदाहरुको निरन्तर भ्रमण अध्ययन अनुसन्धान गरुन् र तिनको संरक्षणप्रति जागरुक भई योगदान पुर्‍याउन् । अनि स्वअनुभूत् गरुन्– “प्रकृतिको धनी सानो देश नेपाल बाकी विश्व भन्दा धेरै गुणा सुन्दर र पवित्र छ ।”
आफ्नो सुन्दर मुलुकको चप्पा चप्पा भ्रमण र ज्ञान नलिनु भनेको ठूलो र अपूर्व अवसर गुमाउनु हो एकवारको जुनीमा ।
राज्यको सरोकारवाला निकायहरु र पर्यटनकर्मीहरुले विश्वका भि.भि.आई.पि.हरुलाई आकर्षित गर्ने सहज सरल र सुन्दर पर्यटन प्याकेज बनाईदियोस् । सम्बन्धित सम्पूर्ण स्टेकहोल्डरहरुलाई समेटेर समन्वीकृत ढंगबाट बनाएको प्याकेज दिगो र वजनदार हुने छ । राष्ट्रियदेखि स्थानीयसम्म इमान्दारपूर्वक ओठे होइन भावनात्मक एकीकृत स्वागत र आतिथ्यता दर्शाउन कुनै कसर बाकी राख्नु हुदैन राज्यले ।
वातावरण मैत्री पूर्वाधारहरु तयार गर्न बिलम्ब गर्नुहुदैन । हिमालले डोजर र सडक होइन हिमालमैत्री सुन्दर प्राकृतिक ट्रेकिंग रुटको मात्र पुकार गरिरहेको छ । सदियौंदेखि थुप्रिएको फोहोर मैलाले पवित्र हिमाल रोइरहेको छ । हिमाल सफाईको राष्ट्रिय अभियानलाई नेपाली सेनाले बिना शर्त निरन्तरता दियोस् र पवित्र हिमाल चम्काउन त्याग गरोस् ।
पवित्र हिमालका धनी संरक्षण क्षेत्रका चीफ् वार्डेन् र स्थानीय समुदायले स्थानीय सांस्कृतिक तामझामका साथ पर्वतारोही पाहुनाहरुलाई ‘अतिथि देवो भव:’ गरुन् ।
(लेखक पूर्व राष्ट्रिय निकुञ्ज तथा वन्यजन्तु आरक्ष निर्देशक हुन्)
बाबुकृष्ण कार्की, बाघ गोठालो

Like it? Share with your friends!

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube and Vimeo Embeds
Audio
Soundcloud or Mixcloud Embeds
Image
Photo or GIF
Gif
GIF format